الطريقة الصحيحة لمسح كل شى على الموبايل قبل البيع !!!

الطريقة الصحيحة لمسح كل شى على الموبايل قبل البيع !!!


متبيعش موبايلك غير لما تقرا الموضوع دا
#إزاي تحمى موبايلك قبل ما تبيعه ؟!
لو قررت إنك تبيع موبايلك القديم لازم تعرف إنك حتى لو مسحت كل الصور والمحادثات والملفات اللى كانت عليه يقدر أى حد متخصص يسترجع البيانات دى بسهولة بالغة لأنها فعلياً بتبقى موجودة فى مكان مخفى على مساحة الموبايل لحد ما يتم إستبدالها
عشان كده لازم قبل ما تبيع موبايلك تعمل الخطوات دى :-
1 . اعمل نسخة إحتياطية من ملفاتك المهمة عن طريق برنامج CM Backup هتلاقيه موجود على Play Store والـ App Store .
2 . سجل خروج من كل خدمات البريد الإلكترونى والفيس بوك والماسينجر والإنستجرام وأى برنامج بيتطلب تسجيل دخول عن طريق الفيس بوك زى Soundcloud مثلاً .
3 . فرمت الموبايل بتاعك عن طريق كتابة الكود التالى فى لوحة الأرقام *2767*3855# وبمجرد ما هتضيف علامة الشباك اللى فى الأخر هيبدأ الموبايل يفرمت كل الداتا اللى عليه .
4 . بعد كده إفتح الموبايل ووصله باللاب توب بتاعك أو بالكومبيوتر وإملى المساحة الفاضية دى بأى ملفات مش مهمة عندك زى الأغانى والصور أو اى ملفات حجمها كبير
5 . عيد الخطوة رقم 3 مرة تانية وفرمت الموبايل بتاعك
بعد كده تقدر تتطمن إن حتى لو اللى إشترى الموبايل حاول يسترجع الملفات اللى كانت عليه مش هيوصل لملفاتك القديمة لكن هيظهرله الملفات الجديدة اللى انت ضفتها بنفسك .

إرسال تعليق

0 تعليقات